WHO ຮຽກຮ້ອງໃຫ້ສ້າງແລວມະນຸດສະທຳເພື່ອຊ່ວຍເຫຼືອປະຊາຊົນຢູ່ເຂດ ກາຊາ
ຕາມຂ່າວສານຊິນຮວາ ລາຍງານວັນທີ 10 ຕຸລາ, ກ່າວຄຳເຫັນທີ່ກອງປະຊຸມຖະແຫຼງຂ່າວຢູ່ເຊີແນວ, ປະເທດ ສະວິດ, ໂຄສົກຂອງ
ອົງການອະນາໄມໂລກ (WHO) ໄດ້ຮຽກຮ້ອງສ້າງຕັ້ງແລວມະນຸດສະທຳເພື່ອເຂົ້າ-ອອກເຂດກາຊາ ໃນສະພາບການຄວາມເຄັ່ງຕຶງເລີ່ມ
ຮ້າຍແຮງຂຶ້ນທຸກມື້ຢູ່ເຂດນີ້.
ຕາມ ທ່ານ ຕາຣິກ ຈາຊາຣິວິກ ແລ້ວ, WHO ຮຽກຮ້ອງໃຫ້ຢຸດຕິການໃຊ້ຄວາມຮຸນແຮງ ແລະ ເນັ້ນໜັກເຖິງຄວາມສຳຄັນຂອງ
ການສ້າງແລວມະນຸດສະທຳເພື່ອໃຫ້ປະຊາຊົນຢູ່ເຂດ ກາຊາ ໄດ້ເຂົ້າເຖິງບໍລິການທາງການແພດທີ່ຈຳເປັນ. ຕາມໂຄສົກຈັດທະແຫຼງການ,
WHO ໄດ້ຮັບຮູ້ການບຸກໂຈມຕີ 13 ຄັ້ງແນໃສ່ບັນດາຮາກຖານການແພດຂອງເຂດ ກາຊາ ນັບແຕ່ທ້າຍອາທິດຜ່ານມາ ແລະ ຈຳນວນອຸ
ປະກອນການແພດຢູ່ທີ່ນີ້ໄດ້ຮັບການນຳໃຊ້ໝົດແລ້ວ.
ໃນຂະນະນີ້, ທ່ານ ໂວນເກີ ເຕີກ, ຂ້າຫຼວງໃຫຍ່ ສປຊ ກ່ຽວກັບມະນຸດສະທຳໃຫ້ຮູ້ວ່າ: ເລື່ອງອິດສະຣາແອນ ປິດລ້ອມເຂດ ກາຊາ
ເຮັດໃຫ້ປະຊາຊົນຢູ່ເຂດດິນແດນແຫ່ງນີ້ບໍ່ໄດ້ເຂົ້າເຖິງບັນດາເຄື່ອງຂອງທີ່ຈຳເປັນ ແມ່ນການກະທຳຖືກເກືອດຫ້າມຕາມກົດໝາຍສາກົນ,
ບັນດາຝ່າຍປະທະກັນມີພາລະໜ້າທີ່ຕ້ອງຫຼີກລ້ຽງບັນດາເປົ້າໝາຍສາມັນຊົນ. ທ່ານໄດ້ຊີ້ແຈງວ່າ: ບໍ່ວ່າການກະທຳໃດໆທີ່ຈຳກັດຄົນໄປ-ມາ
ແລະ ສິນຄ້າຈໍລະຈອນໃນການປະຕິບັດຄຳສັ່ງປິດລ້ອມທາງດ້ານການທະຫານດ້ານດຽວນັ້ນ ຈະຕ້ອງຖືກກ່າວປະນາມ ຈາກປະຊາຄົມໂລກ
ຢ່າງແນ່ນອນ.
ແຫຼ່ງທີ່ມາ: ໜັງສືພິມກອງທັບ
ວັນທີ 16/10/2023